اعتصم الصوره تطلع حلوه

اكثر ما يحيرنى هو قيام حكومه جاءت للسلطه بواسطه المتظاهرين و المعتصمين باصدار قانون يجرم الاعتصام

طب بالزمه يا حاج عصام لولا الاعتصام فى التحرير انت كنت تحلم تبقى ريس حى المهندسين حتى ؟

اى حد هيسكت على حقه مفيش حد هينفعه , حقوقنا سلبت منا لمده ستون عام بالقوه , و اللى اتاخد بالقوه مش هيرجع غير بالاعتصام

غلطه ثوره يناير هى ترك ميدان التحرير قبل الاستجابه لكل المطالب و مش لازم الغلطه تتكرر تانى

اى حد هيقول عجله الانتاج بقوله عجله دى تبقى خالتك

والله الموفق

الحب فى زمن المجلس

المجلس عاوزنا نحب كل ما يحبه و نكره كل ما لا يطيق حتى سماع سيرته
نحب الاستقرار
نحب عجله الانتاج
نحب التعديلات الدستوريه
نحب الاخوان المسلمين

هتتكلم بقى عن المحاكمات العسكريه والممارسات الديناصوريه للشرطه و وساخه المحاكمات لرموز النظام او هتجيب سيره شرم الشيخ تبقى ضد مصلحه البلد و خاين ابن كلب عميل و يمكن كمان تتسحبلك كام صوره من الفيس بوك و انت فى الهرم و تبقى جاسوس بتحرض شباب الثوره

بس انا هحب اللى احبه براحتى و على كيفى , و انا بحب مصر اوى و هفضل احبها برضو اوى